رئيس عبداللطيف ’لطيف‘ ناپر: شاعر رئيس عبداللطيف ولد پير بخش ناپر جو جنم 15 ڊسمبر 1933ع تي شڪارپور ۾ ٿيو. هن ابتدائي تعليم شڪارپور جي مشهور ورنيڪيولر اسڪول مان حاصل ڪئي. 1951ع ڌاري مئٽرڪ گورنمينٽ هاءِ اسڪول شڪارپور مان پاس ڪيائين، تنهن بعد ايل. ايل. بي جي سند حاصل ڪيائين.
شاعريءَ ۾ سندس تخلص ’لطيف‘ هو. سندس شاعري مشهور ادبي رسالن: نئين زندگي، هلال پاڪستان ماهوار ايڊيشن ۽ ماهوار ’تقاضا‘ جي پرچن ۾ ڇپجندي رهي. سندس شاعريءَ جا ڪيترائي مجموعا ڇپجي پڌرا ٿيا، جن ۾: (1) ’برهه جي باهه‘ ۽ (2) ’تحفة العاشقين‘ گهڻو مشهور ٿيا. سندس ڪلام موسيقيءَ جي محفلن ۾ گهڻو ڳايو ويندو هو.
هن جا ڪجهه مشهور غزل ’سڏائي عاشق ٿو يار هرڪو، مگر نڀائي ڏسي ته ڪوئي‘ ۽ ’پرڀات ٿي وئي آ، روئيندي هي رات ساري‘ اڄ تائين محفلن ۾ ڳاتا وڃن ٿا.
رئيس عبداللطيف ناپر 23 سيپٽمبر 1957ع تي شهيد ٿي ويو.
1933.12.15 عيسوي
شاعر رئيس عبداللطيف ولد پير بخش ناپر جو جنم 15 ڊسمبر 1933ع تي شڪارپور ۾ ٿيو.
1957.09.23 عيسوي
رئيس عبداللطيف ناپر 23 سيپٽمبر 1957ع تي شهيد ٿي ويو.